Monthly Archive: September 2011

Sep 23

有關UARS撞擊地面的消息

各位朋友,相信大家已開始從傳媒得悉有關「高層大氣研究衞星」(Upper Atmosphere Research Satellite, UARS)報廢後即將墜落地面,並可能構成危險的報道。以下簡單數段文字會讓大家容易了解事件,以免造成不必要的恐慌: 1. 根據業餘發燒友從美國STRATCOM取得的數據計算,UARS大概將於香港時間(UT+8) 9月24日凌晨2至6時期間墜落,位置約在菲律賓以東的太平洋; http://www.spaceweather.com/swpod2011/22sep11/UARS_decay_2011_Sep_23_UTC_v1.jpg 2.美國太空總署表示,UARS重返大氣層前的2小時,估計撞擊時間仍可以有正負25分鐘的誤差,即撞擊地點可有正負12000公里的誤差,因此從上圖可見,由南太平洋、新西蘭、台灣、上海、華中以至西伯利亞一帶仍有機會(即上圖的黃色圓沿黃線向左上或右下移動); 3.碎片可能分成26份,並在半徑1200公里範圍內散播; 4.香港並非在其軌道正下方,因此香港是「旁觀者」被撞擊的機會較微,巿民不用太擔心;但碎片墜落有隨機性,因此隨向前衝(即衞星運行方向)外,亦有可能散落左右兩方,香港亦非零機會受撞擊,但機會十分十分之小 (即上圖黃色圓沿左上方移動,可見香港只在圓的邊緣); 根據美國太空總署的資料: 5.雖然衞星重6噸,但在大氣層燒毁後,落到地面只有約500公斤; 6.由於分散成大小不大的碎片,估計最大一塊只有158公斤,以時速約160公里撞擊地面,其撞擊力約等於1部客貨車以時速26公里行駛的撞擊力; 7.以往從未有人因人造衞星碎片墜落地面導致傷亡的記錄; 8.碎片來自含有金屬如鐵、鋁、鈦、鈹等部件如衞星結構、燃料缸、電池等,因此如發現碎片,切勿觸摸; 總結:大家不用太擔心,反而可能會見到一粒人造火流星! Share

Share

Sep 01

細龜的天文遊歷記:隊長嚟啦!(二)

結果放學後只有龜一隻爬到lecture room。 但這時的lecture room遠比龜想像的熱鬧得多。各級的astron同學都齊集到這裡,跟外面靜悄悄的走廊真是天壤之別。這時lecture room的房門再次打開,只見C和W正領著一名身材高挑、面容清秀的知識型男士進來。當同學們見到這位男士出現之時,立刻以光速跑回自己座位,並以萬分期待的目光等待來人。 「哇...原來尼位呀sir係我哋學校有咁多fans架!佢梗係好掂架啦。」 細龜也很期待這次的講座。 這時president G師姐走到講台上:「各位同學,好歡迎你哋黎到今日astronomy club嘅lecture。今日嘅lecture係星座神話,而講者係天井會嘅彭栩怡先生。而家我哋一齊welcome Mr.Pang。」 「啪啪啪...啪啪啪...」 「各位同學,你哋好!我係天井會嘅彭sir。各位同學上完一日堂都黎捧場實在係令我太感動啦!為左答謝各位同學,我今日就講多d得意嘅神話俾大家聽啦!」 彭sir一邊說一邊走近身旁的幻燈機(細龜註:真的是幻燈片跟幻燈機!當時我們並不用powerpoint的),隨手拿起機旁的遙控器開始滔滔不絕的給我們介紹各神話人物之傳奇故事,而龜亦聽得如癡如醉。 突然... 「砰砰!!」 當大家正聚精會神的聽彭sir講英仙座Perseus準備從海怪巨鯨座Cetus之利爪中拯救仙女座Andromeda之時,幻燈機內突然傳出數聲巨響,而屏幕上的畫面亦隨之消失! 「哇!發生咩事呀?」 「頭先好大聲呀,砰砰聲架!好似打爛野咁聲呀!」 這時G師姐走出來安撫大家: 「各位同學請稍安無燥。Mr.L而家check緊部機睇吓咩事呀。大家請靜心等一等。」 這時Mr.L向大家說: 「唉呀,個projector個燈膽爆左呀,所以頭先聽到d砰砰聲。咁而家點搞好呀?個talk仲有幾耐呀彭sir?」 彭sir望向牆上的掛鐘:「其實就仲有半個鐘。我繼續講都無問題,但係無畫面睇d同學可能會悶喎...」 「唔會呀,彭sir,你快d繼續講啦!」 「係啦,講啦,我哋唔睇screen都得架!就咁聽都無問題架。」 「係呀係呀,彭sir,你就咁講都好得架啦。快d繼續啦。」 同學要求彭sir繼續講座之聲此起彼落,而大家的心情亦沒有受到幻燈機的影響,反而現場的情緒變得更加高漲。彭sir見及一眾同學熱誠的催促亦抖擻精神給我們繼續講故事。同學們高興得很,而這次講座亦於一片歡樂中結束。 講座完後,由於W著細龜一起離開學校,所以便留在lecture room等待她。這時彭sir正跟Mr.L、G師姐和一眾official交談。 「彭sir,頭先真係唔好意思呀!」 「唔緊要!尼d野好難預計嘅。好彩無整到d同學。不過你哋d同學好好學喎,無screen都照聽,而且仲好熱心添喎。」 這時Mr.L面有得色的把眼鏡一托:「係呀,我哋d girls係好好學架。你黎多d講多d俾佢哋聽啦。佢哋其實係newsletter都有睇過架,點知佢哋再聽多次都仲咁開心。」 「係啦,彭sir,下次我哋個talk都搵你啦!你記住留番個time slot俾我哋呀。」 「哈哈,無問題啦!下次知道幾時就話我知啦。」 「好啦,五點幾啦,大家都返屋企啦。」 「係!Byebye Mr.L,byebye Mr.Pang。」 彭sir跟我們同路,所以順道一起走。聽著其他official跟彭sir聊天,細龜的心裡有點不是味兒。 假若我也是official的話那就好了... 「咦?尼位同學仔唔係official黎嘅?」彭sir的問話打斷龜的胡思亂想。 「佢唔係呀,佢係我個friend,黎同我一齊聽talk架。」W很熱心的給彭sir介紹龜。 「哦...有無興趣跟我哋去睇星呀?」 這時細龜的眼睛發出閃光,期盼的望著彭sir不住點頭。 「呵呵,好似係好有興趣喎。下次我哋去睇星叫埋你啦。」 這時的龜已開心得不懂說話只懂點頭。   也是啊!誰說要做了official才能去觀星呢?哈哈。被彭sir逗得很是高興的細龜立刻追上一眾同學一起踏上回家之路。 Share

Share