Monthly Archive: October 2011

Oct 14

天文匯主辦:月全食觀賞營

名額已滿,多謝支持! 日    期:2011年12月10至11日 地    點:西貢小童群益會白普理營 活    動:專題講座、月全食、全食星野觀賞、天文攝影指導(請自備相機及三腳架) 費    用: HK$250(包晚餐、早餐、宿費及精美紀念品) 名    額:42人 集合時間:2011年12月10日 下午2時正 集合地點:西貢巿中心94號巴士站 (巴士開出時間固定,請準時集合) 報名:請將中英文姓名(須與香港身分證上相同)、香港身分證號碼、性別、年齡、就讀學校(如適用)及聯絡電話、電郵及facebook(如適用)電郵至lydia@astronomy.idv.hk報名。需收到工作人員回電郵覆實才能確認報名。(註:個人資料只用作購買個人意外保險,並不會用作商業用途。) 有興趣參加的朋友,請參閱宣傳單張。 Share

Share

Oct 10

夏威夷之旅(二)

5月28日,朝聖之旅正式開始。可是,出師不利。首先,運載EM-10赤道儀的行李喼在上機場巴士時斷了一個手柄;去到機場,見到阿澧及其母親大人,正當心情稍為平復之際,忽然伯母拋出一句: 「阿仔,睇你丫……拎咁鬼多相機去,一大袋咁,你睇人地幾輕便!」 (咦……阿澧邊夠我相機多呀……咦!!!我袋相機呢??) 原來此刻,3部相機與5支鏡頭正乖乖坐在機場巴士跟隨巴士叔叔回總站!小怡驚惶失措用了一分鐘由離港層喪跑落巴士總站找站長救命!只見站長慢條斯理話:「慢慢,架車都未返到黎。」五分鐘後先見到架巴士緩緩埋站,幸好,這是香港,八名「乘客」依然原封不動。 去到大島的Kona機場,第二個手柄斷埋。慶幸的是,除了這些令人氣綏的事外,旅程亦有不少令人開心的事。 首先,難得與細龜的中學同學C在機場禁區裡一齊吃午飯,過後她順便指揮我們的飛機起飛;在東京至檀香山的飛機裡,大家輪流隔著窗欣賞殘月照耀下的天蝎座;到了檀香山,細龜難得與她的另一位中學同學2拎‧劉在椰樹底下由一邊吃pupu(夏威夷文解「小食」) 、一邊欣賞日落變為欣賞天蝎座;另一邊廂,cK與阿澧就在酒店撐枱腳,以及在酒店露台影北斗七星。 經過一晚的休息,第二天一早眾人塞進極度狹窄的豐田Corolla,開始駕車環島遊。每次在沿途的scenic point停車,一個又一個在香港闊別多年藍天碧海呈現眼前,眾人精神為之一振,手上的DSLR SC(shutter count)亦開始暴升。去到Kualoa Regional Park, 阿澧已死也不把小怡的14mm f/2.8放手,還有模特兒自願出來讓我們任影,也就是cK…………的拖鞋。下午架車過了Waimea Beach Bay Park後不久,其中一個沙灘有很多細龜的親戚在休息,不少遊客企圖走近影相,不出一會已被巡邏的rangers驅趕,因為法例寫明與細龜親戚的距 離最少保持6呎。小怡當然距離60呎也不怕,因為我短短地都有支200mm鏡頭嘛。黃昏時段就是團友自由活動及shopping時間,但似乎一眾人也不大感興趣,反而去Wendy’s 食晚餐還顯得格外興奮。 第二天,我們由檀香山飛往Kona,雖然在機場租了一架四驅Jeep,但眾人的行李實在太多,車後的空間塞滿行李之餘,後座的朋友們更要左擁右抱。小怡與細龜5年前曾來過一次,所以在離開機場的路口,小怡與細龜突然變了本地人: 細龜:「轉左呀」 小怡:「我知,上次個路口之後下一個轉右嘛……」 細龜:「小心1分鐘後有個雷達測車速喎」 小怡:「我知,有埋車速顯示嘛,過左個顯示牌限速65(哩),我開70冇死既」 細龜:「路口前個scenic point駛唔駛停俾佢地影相?」 小怡:「去左酒店放低D野先啦」 cK,阿澧:「…………」 不過,無言而對不夠10秒就被周圍火成岩包圍的荒涼美景打破了,後座很快就起哄了,當然少不了400D, D7000快門聲此起彼落。 到酒店取房間後,大家就在這間兩層樓、三間套房、兩個廳、百幾呎廚房既「房」裡遊玩一番,之後再出車到Kona遊覽、買餸煮飯,回程時天已黑,車駛到街口時由向北變向東,周圍一片漆黑,小怡忽然冷冷的說:「大家望下你既右面窗,應該睇到南十字……」…… Share

Share

Oct 01

細龜的天文遊歷記:隊長,我係細龜呀!(一)

「媽...呀媽...」 「唔...唔...哇!做乜走左隻鬼入黎架?」 「唔係呀!我係龜呀!」 「撞鬼你咩!晨咁早飄入人哋間房度,想嚇死人咩?」 「我瞓唔著呀...」 「你隻野,三更半夜都唔瞓,而家又晨咁早起身,你唔駛瞓架?」 「唔係呀,今日放榜呀...點瞓呀...」 「你因為放榜瞓唔著?你隻野前幾日仲係度睇卡通片睇到『咔咔聲』咁笑,你識個『驚』字點寫架咩?」 「識呀,琴晚煲『不思議』(係咩黎?自己諗啦!)個時瞓鬼著左,發夢見到自己今朝唔知醒起身返學攞成績呀。你話我驚唔驚呀?」 「你真係...上床瞓多陣啦,咁鬼早返學校都係企係門口度等架啦。」 「哦...」   以上就是細龜在中五會考當天跟龜媽的對話,時間是清晨五時正...   *                                  *                                  *   「鈴...鈴...」 「唔... 撳熄個鬧鐘呀,唔該...」 「起身呀,臭龜!上堂啦!起身呀!!!」 「乜今日咁早就天光嘅?臭肉高,點解你會係我屋企嘅?」 「光你個頭呀,上堂啦!升左F.6仲係咁鬼懶!起身去Bio lab.上堂啦!」 「哦...」 隨著一眾同學移動,身在夢中的細龜亦隨團飄向Bio lab.。不難想像,到達Bio lab.的細龜當然是第一時間向周公子報到。 「細龜!喂,細龜你好起身啦。呀豬(中六之Bio老師也)黎左啦!」 「唔...唔...豬?無星座同豬有關架喎...」 「我係話呀豬黎左呀,要上堂啦!!」 這時細龜才睡眼惺忪的望向蚊:「點解你可以咁精神嘅?你琴晚好早瞓呀?」 「朋友,我早極都唔夠你早啦。趴係個窗台度睇個啲咁the星星睇到三點幾先瞓,我無你咁早瞓。」 「咩啲咁the呀?我見到獵戶座同冬季大三角架。」 「你哺蛋咩?坐係個窗台度坐成晚,都有病架你。」 「你先有病呀,有好嘢都唔睇,死蠢!」 蚊沒好氣回敬龜:「費事理你!唔夠瞓嘅人同動物都會心火盛嘅。我唔同你一般見識。」 「車!」 這時剛榮任astron club president的W鬼鬼祟祟的坐到龜旁邊:「細龜,我想問你,如果今年我哋搞joint school astron camp你黎唔黎呀?」 細龜和蚊奇怪的望了她一眼:「但係學校唔俾搞joint school架喎。你做P無理由唔知架。」 W有些心虛的望向別的地方:「我同Mr. L今個星期六會去個camp site度site visit呀, 你黎唔黎呀?」 細龜搖了搖頭:「唔好意思呀,我星期六有野做去唔到啦。其他official會同你一齊去嗎?」 「我...我未問佢哋呀...等間問。」 對話後大家就相安無事的繼續上堂。 …

Continue reading »

Share