Daily Archive: June 28, 2014

Jun 28

「合」之滔滔報 二○一四•七月 Conjunction Total Post (July 2014)

經過陰晴不定嘅六月,未知大家有否成功觀賞六月嘅相合呢,沒看到也沒關係哦,每個月也會有不同組合上演,天文匯又為大家介紹今個月特選嘅相合現象啦,一齊嚟欣賞我哋太空鄰居同恆星際好友嘅演出吧,只需肉眼觀測,如果手上有約七倍到二十倍放大率的雙筒望遠鏡也可以好好運用哦~   喺介紹今個月嘅相合現象之前,先奉上6月1日嘅月合木星小片段,月球和木星都說要謝^2大家觀賞哦…(/^^)/ http://youtu.be/3fEtMoT_TNY   今個七月,除左依然明亮吸引鏡頭嘅夏季星空之外,我們的好鄰居(?)火星也有新搞作,因其今年初的逆行現象,七月嘅1日到23日會係大家會再度看到火星同室女座主星角宿一(Spica)相合嘅日子,珍珠白色的角宿一和赤色的火星相靠近的樣子,當中12日到15日會看到兩者只相距1度30分以下,也是個不錯的高倍雙筒望遠鏡(約20倍)和天文望遠鏡觀測目標~ 還有更精彩的,就是月球也會加入,那就是今個月6日嘅月合火星及角宿一了啦,加上初十的月亮,用低倍雙筒望遠鏡(約7至10倍)觀賞的話會相當有趣的說~ 以上兩項天象,入夜後到半夜前都可以在西南方觀賞到,如欲觀賞全程者,可以尋找西南偏西方不受遮蔽的地方~ (關於傍晚至半夜前後觀賞之月合?星,及其觀測/攝影之技巧,請參考:http://www.astrolink.hk/starlog/?p=1031) 另外今個月大家仲可以用望遠鏡一次過睇曬兩粒太陽系內行星,就係16日嘅的金星合水星,今次我哋會見到兩者相距有大約6度,所以使用低倍雙筒望遠鏡(約7至8倍)觀賞的話,就可以一次過滿足曬兩個願望啦,16日清晨04:30之後開始留意東北偏東方近水平,可觀測直至曙光的亮度蓋過水星為止~但由於水星相對暗而且位於較低的仰角,所以空氣品質對觀賞這次天象會有很大的影響…orz 壓軸登場的還有考眼力嘅月合金星,廿九殘月配上金星,很想看吧~25日清晨04:30之後開始留意東北偏東方近水平就可以了啦,可一直觀賞至曙光的亮度蓋過兩者為止~ (關於觀賞凌晨至日岀前可觀賞之月合?星,及其觀測/攝影之技巧,請參考:http://www.astrolink.hk/starlog/?p=1044) Share

Share