Daily Archive: August 17, 2014

Aug 17

「合」之滔滔報 二○一四•九月 Conjunction Total Post (September 2014)

介紹嚟緊嘅9月的相合美景前,先為大家送上8月17日的金星合木星,上方較明亮的是金星下方是木星,畫面右側的是…飛機~orz 謝^2觀賞~:) 回正題,「九一慘案」即將上演,開學日遇上星期一還真要命啊,不過唔緊要,今個月都有一眾行星合月同埋行星合行星,等大家喺市區都可以欣賞夜空另一面的美,抖返啖氣! 首先係1日,延續上個月31日嘅土星和火星合月,只要入夜後留意西南方天空就可以找到他們了啦,三者大約2200在西南偏西方落到地平以下,家裏有雙筒望遠鏡記得拿來用哦~ 遲一天(2日)2200前還可以看到土星合火星,也值得一看~ 月初仲有金星合軒轅十四,九月嘅清晨又可以再見到威武(但係俾武仙搞掂咗)嘅獅子座啦,5日到7日仲有金星嘅加持,來個反擊吧(大誤!),大家只要0500開始在東北偏東方水平不受阻擋的地方就可以了啦~ 仲有就係26日嘅水星合月,今次仲有室女座嘅角宿一在旁,不過要睇就要趁日落後到1900前,找個西南偏西方不受地面景物阻擋的地方觀賞吧~ 月尾來到了上半夜才看到土星同火星的日子,咁就當然少不了各自的合月囉,28日的月合土星,2030前就可以看到,仲有29日2130前有得睇嘅月合火星及心宿二,上述兩者只要日落後留意西南方夜空就可觀賞到,當然最好也是找個西南偏西方不受阻擋的地方啦~ 最後仲有今個月22-30日,火星會喺心宿二旁路過,兩顆紅色的(行星x恆星)相遇,入夜後到2130時前留意西南方的天空就可以看到了,可是今次不是傳說中的「螢惑守心」哦~ Share

Share