Monthly Archive: December 2014

Dec 08

「合」之滔滔報 二○一四•十二月 Conjunction Total Post (December 2014)

經過了比想像中暖的十一月(想太多了吧),總算又和秋冬星空再相遇了。十二月例牌菜:表現向來穩定的雙子座流星雨今年未知如何,但下弦月令觀測條件相當悪劣,也許不行了吧~orz 如今在家騎樓看著明亮的冬季星座和伴著木星現身的獅子座,回想起年初在紐西蘭看的倒樹的獵戶和反肚獅子,還真是五味雜陳哦(嘆)~ 廢話少説,喺呢度先同大家介紹今個月嘅相合啦,方向適合的話在家也能看的呢~今個月比較有趣嘅都由月中開始,首先係月球同春季兩個星座上主星嘅相合,分別有12日知17日~ 12日嘅月合軒猿十四,晚上23:00後到次日曙光前,看看東面的夜空吧,除了下弦月和(成晩計應該都會多左幾粒)嘅流星,仲有上述獅子座軒猿十四喺月亮側呢~ 至於17日就係月合角宿一,就要再夜啲啦,02:30後會喺東南偏東岀來,農曆廿六嘅月同角宿一,又係可以睇到天空光度蓋過天體為止~ 以上兩個現象都可以用小型雙筒鏡(建議8倍或以下)觀賞~ 然後就係迎接土星返嚟啦,20日清晨05:00有土星合月,廿九嘅殘月同土星配合得啱啱好,因為今次係冬季日岀較遲,所以不一定要到可以看到東面水平線嘅地方,只要東南方的天空不太被阻擋就可以了~今次仲可以用比較高倍放大(20倍以下)或者用小型嘅折射式望遠鏡都相當不錯呢~ 最後就係25日火星合月,日落後到21:00前留意西南偏西方向吧,來個賞月野餐也不錯哦~ Share

Share