Daily Archive: February 1, 2015

Feb 01

「合」之滔滔報 二○一五•二月

話咁快又一年啦,二月中又到新年了,告別2014/Q2 Lovejoy彗星後,去不了避年的朋友除左可以臨天光去看水平夏季銀河吸個毒,也可以多多留意以下香港能看到的行星/月球嘅相合,有雙筒鏡的話會更好看哦~ 首先係13日年廿五,有月球同土星,01:45後(即係12日晚要準備定呀)會喺東南偏東,方位角大約110度岀嚟,一直可以睇到曙光蓋過佢哋為止,所以只要夠夜訓/早起,不一定要看到東面水平線也可以~ 另外仲有17日,今次陪伴年廿九殘月嘅有水星,05:30喺東南偏東大約110度岀嚟,因為比較臨近天光,所以揾個睇到水平線嘅地方就相當重要啦~ 大年初三嘅月球就有金星同火星嘅相伴,日落後到20:00前留意西方吧,上述天體會在大約275度落到水平線~ 另外10日到下1個月5日,金星和火星都會相當接近,差不多每日20:00前注意西方265度,因為火星比較暗淡的,所以最好用雙筒望遠鏡或者天文望遠鏡協助,才會看得清楚啊~     2015.02.05 補充 – 同場加映︰2月7日「木星衝日」,即是木星、地球及太陽會連成一直線,是每年也會發生的天文現象,從地球看到的效果是當天(及前後約一星期)木星於日落時分 東昇,因此整晚也可以看到木星於地平線以上,十分便於觀測(尤其市區視野狹窄的地方)。注意「木星衝日」不需於指定該日觀測,前後一星期也分別不大。 木星於市區肉眼可見,如欲觀賞其四大衛星則需要使用雙筒望遠鏡協助,觀賞木星表面氣流就建議使用天文望遠鏡作100倍或以上之放大,由於木星十分明亮,觀測及攝影均不需為避免光害而刻意前往郊外。 Share

Share