«

»

Jul 28

「合」之滔滔報 二○一四•八月 Conjunction Total Post (August 2014)

好不容易才習慣了熱,卻來了個颱風(然後感冒了…orz),來一場白天的大雷雨(香港),反反覆覆咁又過咗一個月啦,總算是氣象萬千吧,對不…?
可是說好的「合」呢…坦白講,成功率真的有點低的說,可是沒關係,三顆行星再度加入,令八月的相合真的到了「遍地開花」的地步!

以下將八月精選嘅「相合」現象分成三大類,首先係最受歡迎嘅月合行星~
首先就係今個星期日(3日)嘅月合火星,雖然今年火星同地球距離頗遠,但還是相當明亮的一顆行星,入夜後初八嘅月球同火星會喺南方嘅天空,兩者只係相距1度15分添,更可以用高倍雙筒望遠鏡(如20倍)甚至天文望遠鏡觀賞呢,兩者2300會在西南偏西方落到地平線以下~

之後嘅一日(4日)又有好戲碼,今次到土星啦,同樣地入夜後會喺南方嘅夜空上演,半夜前西南方不受遮蔽的話就可以看到了,由於月球同土星今次只係相距不足1度(!),大家可以用高倍雙筒望遠鏡(如20倍)甚至天文望遠鏡,同時欣賞月球地形和土星環呢~

(關於傍晚至半夜前後觀賞之月合?星,及其觀測/攝影之技巧,請參考:http://www.astrolink.hk/starlog/?p=1031

月合土星︰使用20×80雙筒望遠鏡觀測之模擬圖 (使用開放源始碼免費星圖軟件Stellarium製作)

月合土星︰使用20×80雙筒望遠鏡觀測之模擬圖
(使用開放源始碼免費星圖軟件Stellarium製作)

月合土星︰使用高橋FC-100DC天文望遠鏡及同廠LE系列24mm目鏡觀測之模擬圖 (使用開放源始碼免費星圖軟件Stellarium製作)

月合土星︰使用高橋FC-100DC天文望遠鏡及同廠LE系列24mm目鏡觀測之模擬圖
(使用開放源始碼免費星圖軟件Stellarium製作)



然後就要等到27日嘅水星合月,經過了「上合日」,從太陽後面再度岀場的水星和初三的娥眉月,亮度和位置都恰到好處(適合視力檢測…吧~XD),不過要看到就要日落前準備囉,日落後到七點半前,找個正西方不受遮蔽的觀測地點就可以了,因為天體位於較低的仰角,因此除了考眼力外,空氣品質也很重要的説~


壓軸登場!!24日和31日的雙星合月!月合行星每個日都有,但牽涉到兩顆行星的話,就會比較少一點(就一點點而已)機會岀現~
24日有月合金星同木星,加上廿九嘅殘月,五點起睇到天空背景光蓋過上述天體為止,只要在東北偏東不受遮蔽嘅地方就有機會睇到啦~
31日有月合火星和土星,但由於當天是初七,所以只需入夜後到2200前留意西南方嘅夜空就可以啦,形態還滿有趣呢~

月合金星及木星 (使用開放源始碼免費星圖軟件Stellarium製作)

月合金星及木星模擬圖
(使用開放源始碼免費星圖軟件Stellarium製作)

 

月合火星和土星模擬圖 (使用開放源始碼免費星圖軟件Stellarium製作)

月合火星和土星模擬圖
(使用開放源始碼免費星圖軟件Stellarium製作)


之後要介紹嘅就係今個八月四大行星 – 金、木、火、土嘅好戲,
首先係金星同木星,八月嘅14至23日相合,當中以18日兩者看起來最靠近,0500留意東北偏東水平線就有的看了~仲有就係18至30日嘅土星合火星,十點半前注意西南方天空吧又係低倍雙筒望遠鏡岀動嘅時候啦~

 (關於觀賞凌晨至日岀前可觀賞之月合?星,及其觀測/攝影之技巧,請參考:http://www.astrolink.hk/starlog/?p=1044

金星合木星︰使用Meade LX90 8吋折反射式天文望遠鏡及同廠4000系列26mm目鏡觀測之模擬圖 (使用開放源始碼免費星圖軟件Stellarium製作)

金星合木星︰使用Meade LX-90(或LX-200) 8吋折反射式天文望遠鏡及同廠4000系列26mm目鏡觀測之模擬圖
(使用開放源始碼免費星圖軟件Stellarium製作)

土星合火星︰使用8×42雙筒望遠鏡觀測之模擬圖(使用開放源始碼免費星圖軟件Stellarium製作)

土星合火星︰使用8×42雙筒望遠鏡觀測之模擬圖
(使用開放源始碼免費星圖軟件Stellarium製作)

 

Share

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>