今個十月係「食」嘅月份，今年各自兩度光臨地球嘅日食同月食嚟啦，重頭戲就當然係8日嘅月全食啦，大家請假了沒？一入夜就有得睇啦～仲有23日，喺北美洲加同埋西北太平洋嘅朋友就有眼福睇埋日偏食添，可觀測彗星也有新動向，或許即使是封塵多時的望遠鏡也會岀動了吧(笑)
喺過度興奮嘅同時，都唔好忘記仲有各大相合現象哦，首先係月初承接上個月的火星合心宿二，今次不是傳說中的「螢惑守心」；今次不是傳說中的「螢惑守心」；今次不是傳說中的「螢惑守心」（因為很重要所以要說三次！），只是火星和”反對火星” 即是Antares(“Anti-Mars”的意思)心宿二)的對決﹗﹗本月1日到5日日落後不久就會見到兩者位於西南方嘅天空岀現，約21:00火星落前都可以看到～
火星合心宿二︰使用10×42雙筒望遠鏡觀測之模擬圖
（使用開放源始碼免費星圖軟件Stellarium製作）
另外值得推薦嘅仲有例牌菜 – 月中18日嘅木星合月，今次到睡不著的朋友有好戲看了啦，凌晨約01:40月球同木星會一齊在東北偏東方徐徐升起，可以一直睇到日岀前天空背景光度蓋過木星為止，手上有7到8倍雙筒望遠鏡也要拿來用哦。
木星合月
（使用開放源始碼免費星圖軟件Stellarium製作）
木星合月︰使用8×42雙筒望遠鏡觀測之模擬圖
（使用開放源始碼免費星圖軟件Stellarium製作）
今個月我哋又要同一粒行星暫別啦，土星快要躲到太陽後面了啦，所以今個月我哋就會只可以在日落後的一段短時間，看著土星追隨太陽的腳步落到西方水平線，咁呢個時候就當然會有大家期待嘅土星合月啦，月尾25日係首選，初二嘅新月同土星配合得恰到好處，日落後到19:00前，找個看到西南偏西唔受阻擋嘅地方就有得睇啦。
土星合月
（使用開放源始碼免費星圖軟件Stellarium製作）
土星合月︰使用10×42雙筒望遠鏡觀測之模擬圖
（使用開放源始碼免費星圖軟件Stellarium製作）
然後喺今個月28日嘅火星合月，入夜後到21:00前都有得睇呀，月（&火星）落會喺西南偏西方，晏收工嘅朋友就要揾個西面空曠嘅地方欣賞啦，另外由於火星去到銀河流域，因此前後幾天有機會用雙筒望遠鏡看看火星背景，也會有驚喜發現哦，這裡就不講太多了，希望大家碰上好天氣，好好享受秋夜的星空吧~天氣轉涼，觀星記住準備足夠禦寒衣物唔好冷親呀~
火星合月
（使用開放源始碼免費星圖軟件Stellarium製作）
Loading tweets...