時間是某年的四月中,亦是令一眾F.7學生頭痕兼頭痛的日子。而問功課(加聊天)的電話總是「樂」(此乃正字:絡)繹不絕。而這一天,一個天氣晴朗陽光普照但要讀書的悲慘日子,電話又依舊的響起了。
「喂?」
「喂,細龜?我係W呀。」
「喂喂,啱哂啦,我有d physics唔識呀,啱啱仲想打去搵你添。」
「係咩黎架?我唔一定答到你架喎。」
「你實得架,係wave嗰d嘢黎架。我想問呢,98年第2條long que呢,佢問嗰個constructive wave boundary...」
細龜,這隻上課睡覺、下課看金庸、放假煲卡通的特級懶精,正是云云F.7學生中的一員,現在正準備應考A Level physics中。望著在10年past paper上那些半生不熟的螞蟻在走來走去,有如鳥瞰灣仔至銅鑼灣交通擠塞時的軒尼詩道一般,細龜眼前出現了一片前所未有的光景,那景象有如電視信號欠佳一般花花白白的一片。慢慢地,細龜耳邊更響起那些不佳信號的「沙沙」聲。
經過一番擾攘後...
「...所以佢就變左destructive interference,而唔係constructive囉。你明唔明呀?喂?喂?細龜?你係唔你度呀?」
「唔唔...我條天線...wang咗...」(細龜註:wang音請用偉大祖國拼音讀出)
「你講咩呀?個答案係destructive interference喎。」
「我睇到呀,我有answer架,但係我唔明點解呀。」
「咁我頭先講咗咁耐你明唔明呀?」
「唔明。」細龜是一個直截了當的龜,絕不轉彎抹角。
「我係話呀,個答案係destructive interference呀。你望吓個圖就會明架啦。」
?
「如果望吓就會明我就唔駛諗咁耐啦,不過唔講啦,我自己再諗啦。係咁啦,拜拜!」
「橫掂問你都係聽你係度讀marking俾我聽,我駛鬼問你,我都識讀啦,哂時間!」細龜心裡一邊「問候」她,一邊準備掛上電話。豈料...
「喂喂喂喂喂!」
「點啫?W同學?」細龜很「耐心」地問她。
「我打黎係想問你有無興趣考完A Level之後去水井會個觀星camp架。」
「去camp?觀星?好呀好呀!幾時呀幾時呀?」
「呀Mr. Pang佢寄咗張poster黎呀,上面寫住係六月二十至六月二十一架。你有無興趣呀?」
「好呀!去呀!係咪淨係我哋兩個呀,仲叫唔叫埋其他人呀?」
「我無問過呀,我見到就即刻打咗俾你先啦。」
「真係好朋友呀,呵呵!咁我哋點樣報名呀?」
「不如我哋而家一齊打去俾Mr. Pang報名呀?」
「一齊打去?」
「係呀,我有3-way呀嘛,不過打咗去你負責講嘢喎,我唔講呀。」
「點解呀?」細龜十萬個不解。
「你都明架啦,之前同你講過啦。我哋俾人唱咗咁多是非,我唔想同佢講嘢呀。你講啦。」
「咁你又去個camp?佢會係度架喎。」
「總之我唔講啦!你講唔講呀?唔講就算數啦。」
「講咪講囉,有乜所謂啫。」
「Heehee,都係細龜最好。等陣啦喎,我打過去。」
過了一會...
「喂?」
「喂,Mr. Pang?我係細龜呀,我...」
「我係W呀!細龜有嘢問你呀,我陪佢打電話過黎呀。」
「係?細龜有咩要問呀?」
「Mr. Pang,其實係我哋想參加水井會個觀星camp呀。」
「哦。考完試要出黎玩吓啦?」
「係呀係呀,好想睇星呀。我哋想問...」
「其實我哋要點樣報名架?」W又打斷了龜。
「你哋同我講就得架啦,我會幫你哋搞掂架啦。」
「咁幾時俾錢你呀?」
「到時先俾啦,咁我計埋你兩個架啦喎,唔好放飛機呀。」
「哦...唔會啦,咁我同細龜兩個呀。」
「哈哈,好呀好呀,多謝幫襯。係喎呀D呀A佢哋都去喎,我仲以為你哋會一齊報名添。」
「係...係呀?佢哋都去呀?」
「係呀,你哋astron club班official幾乎拉大隊去呀。」
「係咩?哈哈...我哋要溫書啦,camp個時見啦,拜拜!」
結果,原訂要龜負責的電話對話卻變成W跟隊長的對話。既然她那麼怕那些緋聞,剛才又為什麼那麼熱衷的跟隊長聊天?
?
「原來今次咁多人一齊去喎,好嘢!」細龜最喜歡熱鬧。
「奇喇,點解佢哋會知嘅?張poster係我度架喎。」W在自言自語。
「點解你無話佢哋知嘅?」
「無呀,張poster係寄去俾Mr. L嘅,咁Mr. L俾咗我,咁我又見唔到佢哋,咪無同佢哋講囉。」
「咁奇嘅。Mr. L都知我哋考A Level唔返學校架啦,點解仲俾你唔係俾呀D佢哋嘅?」
「...細龜,我要溫書啦,遲d再講啦,拜拜!」
?
掛了電話後的細龜,腦頂上由原本的一個問號變成三個大問號。
* * *
“Time’s up, pens down! Make sure you have all your answer sheets tied together. “
在辛勞的汗水下,痛苦的A-Level終於完結了!細龜的眼前出現了前所未有的美好景像:Hallelujah! Hallelujah! Hallelujah, Hallelujah, Halle~lu~jah~~
「哇...點解有咁多天使係到飛飛吓嘅...」
突然有一隻天使向龜飛來。哇...原來天使都會戴眼鏡的哦!咦?怎麼有人在拉我手按著的試卷...
「同學,要交卷啦!同學!同學!交卷啦!」
「唔...唔...呀!!」
原來是監考員要收考試卷了。哈哈,龜一定是想放假想得發瘋了,還以為監考員是來報佳音的天使呢!交完考試卷,步出那個既死氣沉沉又冷氣不夠的禮堂,細龜終於翻生啦!
不對!
細龜還沒有完全翻生呢!還有哦!還有那個想起都要笑出聲的天文camp呢!好期待哦!但是還要多等一個月呢...
(哈哈...欲知細龜去camp的情況?請留意『細龜的天文遊歷記:細龜camp camp camp!(二)』啦!)
Share